Anson Lo突發尖沙咀打卡 花姐迫到面容扭曲都繼續拍片
撰文：鄺鈺瑩
出版：更新：
Anson Lo昨日特地去到尖沙咀打卡，之後在IG分享影片並及文表示「今天盧汗停是穿短袖的心情」。(網上圖片)
Anson Lo（盧瀚霆）本月初推出單曲《不可愛教主》，後援會為佢斥資打造流動宣傳車、巴士車身廣告，不過，原來好戲在後頭，事關後援會原來租下尖沙咀某大廈的外牆3層LED大屏幕播出新歌廣告！昨日（26日）LED應援一出，唔少神徒都紛紛去打卡，而Anson Lo本人昨日下午亦親自去到尖沙咀打卡，身穿黑色短袖衫、黑褲、戴漁夫帽嘅佢，心情大靚，除駐足欣賞LED大屏幕播出嘅新歌廣告外，又跳跳紮走到街口影相留念。
花姐真係好盡責，拎住個爛鏡頭嘅iPhoene，同一班「神徒」齊齊迫。(網上圖片)
教主突然現身，唔少路人都十分興奮，不過就難為了負責為佢揸機拍攝嘅經理人花姐，由網上照片所見，花姐被「夾」在人群之中，面容扭曲，但仍然盡責揸機。不過，最好笑嘅係花姐手上嘅iPhoene後置相機鏡頭，其中一個明顯地已「爆裂」，另外兩個亦似乎受損嚴重，由於手機殼上有「#anson」字樣，所以估計手機應該係屬於Anson Lo本人。雖然鏡頭嚴重受損，但由教主喺IG上載嘅「突發去打卡」影片所見，又完全唔覺有任何影響，確係好嘢。
唔少人都叫教主加油！又有說教主我愛你！Anson Lo合十致謝，臨上車時表示：「咁多位，多謝曬！」
點擊睇有幾墟冚
+2