C君上任J2創意總監 否認對撼ViuTV救收視：唔覺得有呢個任務！
撰文：吳子生
出版：更新：
今個月頭正式榮升J2台創意總監的「農夫」成員鄭詩君（C君），今日（4/9）現身電視城出席無綫（TVB）綜藝節目《思家大戰》錄影時表示：「其實我返咗三日工，但就冇確實嘅大感覺，不過就有啲新鮮。因為我有20年冇返過Office，返咗先原來發覺係咁嘅。（上任後會否擔心自己唔達目標？）其實而家又冇乜目標，係因為而家啲同事係處理緊一早安排好嘅節目，咁所以我而家入嚟幾日，只係了解緊佢哋做緊啲乜。」
C君透露除了音樂節目以外，都會盡量減少幕前演出。（劉智源攝）
問到出任創意總監是否對撼ViuTv救收視？C君續說：「其實我就唔會覺得有呢個任務，究竟救緊邊一個收視呢？而我又唔知大家會點諗。其實志偉搵我嘅原因，係覺得我諗嘢古靈精怪，所以叫我嚟試下，加上自己又鍾意創作，咁我又抱住呢個心態，所以就畀個機會自己嚟試下。咁其實J2咪就係咁囉，自己又冇咩背負。」