我家無難事|楊明缺席宣傳 鮑起靜透露經常見面:望之後可以齊人

撰文:鄺鈺瑩
出版:更新:
鮑姐為新劇而首次坐電單車,她表示雖然很刺激,但坐到屁股痛。(葉兆康攝)

鮑姐鮑起靜今午為主演劇集《我家無難事》宣傳,劇中飾演其幼子嘅楊明雖然缺席,但鮑姐透露一家人拍完劇集後都經常見面,亦會在群眾不時交流,不過她亦希望之後可以齊人宣傳。

劇中鮑姐獨力養大兒孫,辛苦程度與她當年婚後為養家放棄花旦地位,降格做甘草有得比。她說:「每個家庭做媽媽都係特別辛苦,付出特別多,我自己嗰時又要返工又要湊女。」而當年鮑姐除了返工湊女之外,更因老公方平太靚仔,而要時刻高度關注,有指當年爸爸曾出口提醒鮑起靜,指方平風流兼女人緣太旺。

楊明缺席宣傳。(葉兆康攝)

鮑姐笑言劇中大仔馬德鍾就係因為太靚仔,所以搞到好激心,但老公嘅靚仔就未令她激心。「不過當年都係要戚起條筋,睇下佢去邊同做緊啲咩,不過又唔會睇得佢好緊,就算而家諗返都係開心,有時佢都會好緊張我,所以係互相嘅。」

鮑姐表示剛在福建完電影拍攝,之後會到佛山工作,最難受是要在酒店隔離。「每日都期盼三餐食飯 ,所以希望疫情快啲過啦 。」(葉兆康攝)
發表評論...