Ian女友盧慧敏擔心偷拍會影到醜態 甜絲絲回應：想Ian得到最好
撰文：陳芷穎
出版：更新：
Amy Lo以一身簡約型格造型出場。（葉志明攝）
周秀娜、盧慧敏（Amy Lo）和李靜儀（Heidi）今日（29日）現身尖沙咀商場出席時裝品牌活動，Amy Lo以一身簡約型格造型出場，她接受《香港01》訪問時表示非常開心可以穿上自己風格的衣服工作：「偏向簡約，最緊要舒服，舒服就會有自信，不過有時都想着得Elegant少少。」
工作以及曝光率增加令Amy人氣有所提升，她坦言街上多了人邀請合照：「我本身係一個鍾意傾偈嘅人，好容易由影一張合照變成傾偈，好似識多咗一個朋友。大部分都唔太困擾，不過可能偷拍就會令我有少少驚，死喇，會唔會影得唔靚，大部分時間都係大方同sweet嘅。」Amy笑言擔心偷拍會影到反白眼等等有失儀態的照片：「因為大家都好愛錫Ian，大家都想佢得到最好，我希望自己做得好。」
工作以及曝光率增加令Amy人氣有所提升，她坦言街上多了人邀請合照。（葉志明攝）
Amy的生日將近，她的生日願望非常簡單，就是希望大家身體健康以及和家人吃生日飯：「上年拍劇途中就完全冇預祝或者補祝嘅生日飯，希望今年可以同屋企人食返。（會唔會同Ian食飯慶祝？）希望喺工作度過，咁係最開心，或者大家工作之後冇咁忙就可能補祝。」
盧慧敏（Amy Lo）和李靜儀（Heidi）現身尖沙咀商場出席時裝品牌活動。（葉志明攝）