家燕姐透露準備將千件服裝捐出作慈善用途。（葉志明攝）薛家燕今日（2/10）現身九龍灣出席《家品廚具賀薛家燕孫兒百日大優惠活動》。家燕姐表示：「近來屋企裝修，所以搬咗去酒店度住。阿仔同新抱知我掛住個孫，所以佢哋隔兩日就會帶埋個孫嚟見我，每次見面個孫都認得我，會對住我笑。但有一朝我好開心咁出去抱佢見佢，突然佢就爆喊，嗰一刻我都唔知發生咩事。後來就發現原來佢唔認得我，係因為我成個造型就好似周星馳套電影《功夫》入面嘅元秋咁，成個頭都係髮捲。後尾我除咗啲髮捲之後佢就冇事。」家燕姐現場大派禮物。（葉志明攝）