周汶錡大仔升讀傳統小學：原來做全職媽媽都幾吃力
撰文：鄺鈺瑩
出版：更新：
周汶錡透露早前同老公慶祝結婚9周年，仲帶埋大仔一齊去食飯：「因為老公一直覺得佢坐唔定或者會騷擾人，但結果係可以，大家都好開心。」（陳順禎攝）
周汶錡（Kathy）今午出席護膚品牌活動，講到護膚，Kathy笑言自己都已經係專家級別，她透露每日除了敷面膜之外，湯水亦十分重要。「尤其是而家秋涼，晚上嘅護膚好重要，自己會搽多層精華。」
大仔Jacques升讀傳統學校 ，周汶錡笑言每日都充滿挑戰性。（IG圖片）
提到大仔雷棨宇（Jacques）剛升讀本地傳統小學，Kathy都不禁輕嘆：「每次佢做功課時都覺得自己好大責任，因為local school好多嘢要跟、好多通告要睇，原來做全職媽媽都幾吃力，但另一方面都幾開心，因為見到佢成長好有滿足感。」問到Kathy喺教小朋友做功課的過程中，IQ與EQ是否全面提升，她表示一開始以為自己可以應付得來：「開學第一日已經『哇』，不過我覺得OK嘅，堅持啦，因為我係想佢學中文、識寫識講，辛苦6年，之後應該會輕鬆啲。同埋佢升小學之後獨立咗，以前著襪一分鐘都未搞掂，而家反而教返我點樣可以好快著到。」