麥貝夷演人格分裂不怕影響病情 醫生教「招魂」：同自己講返嚟喇
撰文：吳子生
出版：更新：
麥貝夷在微電影「解理」中，將會分裂出6種不同人格的角色。（梁碧玲攝）
麥貝夷（Karene ）今日（28/10）現身西九龍中心出席微電影「解理」演員見面會暨麥貝夷新歌發佈會。Karene透露在微電影中飾演「阿敏」一角，並將會分裂出6種不同人格角色，同時會有不同性取向，角色上充滿挑戰性：「其實年頭當我知道要演呢個角色嘅時候，係年中開拍之前嘅時候，我有同導演緊密住咁溝通，加上戲服上，我都有為角色而設做咗準備，相信此舉會為角色帶來幫助。」
karene之前受到情傷，需要定時睇精神科醫生食藥控制病情，被問到要為角色分裂出6種人格，會否會影響病情？Karene表示：「其實除咗要食藥之外，而醫生都有教過我過招畀我，教我每次拍完戲之後，返到屋企就要提自己係邊一個，仲要同自己講：『返嚟喇』，就好似招魂咁，等自己抽離返個角色，做返自己。」
麥貝夷今日現身西九龍中心出席微電影「解理」演員見面會暨麥貝夷新歌發佈會。（梁碧玲攝）