TVB節目巡禮丨洪永城《凶宅清潔師》唔好走寶 C君監製探討人性?

撰文:張國基
出版:更新:

無綫的《節目巡禮2022》早前一口氣推介14齣劇集,結果在星光熠熠的大劇之間,由洪永城、傅嘉莉及鄭俊弘主演的《凶宅清潔師》成為滄海遺珠之作。

《凶》劇是少數TVB與外判製作公司「勞詩動眾」製作的短編劇集,該公司由C君、洪永城及港版《大叔的愛》監製兼編審盧思麟創立,今次順理成章擔任《凶》劇監製。故事講述招仔(洪永城飾)與洪仔(鄭俊弘飾)十五前貪玩碟仙惹禍,令招仔父母慘死。幸好在法師尹月平(李成昌飾)拯救,逃出生天,亦因此令招仔成為驅鬼法師。招仔在一次靈異事件中重遇洪仔,原來洪仔一直活在碟仙陰影之下,網台主播小美(傅嘉莉飾)返回當年現場尋找召喚碟仙的青花瓷碟而身陷險境。

洪永城演驅鬼師傅。(節目截圖)
+16

節目巡禮宣傳時間短短,但對白聽落幾吸引,無論是「成日話鬼得人驚,有時人仲得人驚。」、「鬼之所以變成鬼,因為佢有執念,咁人呢?」都似乎想探討人性。雖然未知上架日期,但近日TVB幾個社交平台已為《凶》劇宣傳,介紹洪永城的驅鬼道具血繩、血銅錢等,至於劇集可否擺脫TVB慣性風格,就要等播出先知。

你可能感興趣