金球獎│ 黃庭鋒力撐美斯奪獎 唔怕得罪C朗粉絲：落選係好唔開心嘅
撰文：吳子生
出版：更新：
黃庭鋒今日出席無綫綜藝節目《真係唔好講笑》宣傳活動。（陳順禎攝）
黃庭鋒今日（30/11）現身元朗大棠出席無綫綜藝節目《真係唔好講笑》拜神儀式。提到由《法國足球》主辦的金球獎今年復辦，美斯以33分之差力壓利雲度夫斯基7度奪得金球獎殊榮。而5度奪得這殊榮C朗卻三甲不入，僅得第6名。結果一出，隨即引發網上熱烈討論，有人為利雲度夫斯基飲恨而抱不平，直指美斯在球場上表現不濟，與當打之年有很大差距，不值得攞金球獎。而C朗亦不憤在IG發長文直斥主辦單位子虛烏有。
黃庭鋒力撐美斯攞金球獎。（陳順禎攝）
作為利物浦忠粉的黃庭鋒就話：「我唔覺得有問題，我撐美斯！不過講真，我係好明白球迷嘅感受，自己鍾意嘅球星落選係會好唔開心嘅。同時亦好明白C朗點解會咁嬲。因為睇返美斯去到法甲嘅時候表現真係唔上力，可能係因為佢可能未入局，所以啲人覺得佢唔應該攞呢個獎，始終佢隊中都有好多位球星助陣，係需要時間去適應嘅，整體佢喺啲大賽都交到功課嘅。而C朗佢唔開心，我認為係因為佢三甲不入，所以先咁嬲。」