江嘉敏連踩兩星期通宵終捱唔住：第一次被人用擔架床抬出廠兼吸氧

江嘉敏於IG貼出吊威也相片，更有多張傷痕累累照，原來她為了拍攝新劇《四十二章經》，獻出多個第一次，「剪短髮、染金毛、吊威也」更被人用擔架床抬出廠兼要吸氧氣﹗

天氣忽冷忽熱，江嘉敏話加上早前返咗2個星期嘅31︰00（朝早7點），然後再返多2個星期28︰00（凌晨4點）放工嘅通告終於捱唔住：「死頂到返公司要辛苦導演同助導做咗半日苦力，幫我拎袋又要抬住我落去求救，再有 chaibu 同 Kat陪埋我吸氧氣。大家唔使擔心，我好返喇，仲有同事日日幫我check住啲血壓。多謝大家嘅關心同慰問，好窩心，我會好好咁照顧住自己㗎喇。」