林二汶叱吒〈我最愛女歌手五強不入〉 許廷鏗：呢啲係大家嘅選擇
撰文：吳子生
出版：更新：
許廷鏗今日出席新店開幕活動。（葉志明攝）
許廷鏗（Alfred）今日（30/11）現身又一城出席新店開幕活動。談到好友林二汶早前因亮相無綫節目台慶，而辣慶不少網民，指她食兩家茶禮，而事後林二汶便急急開腔解澄清自己兩邊走的原因，唯部份網民仍然不收貨。Alfred就上述此此事為好友護航：「其實我好相信佢本人，喺個大環境底下，其實我哋作為藝人係好卑微，可以宣揚自己覺得啱嘅嘢。所以對佢嘅揣測我係冇在意，因為我從一而終都係好相信佢嘅為人，咁所以我希望唔好影響佢太多。」
許廷鏗表示假如獲無綫邀出席節目，他同樣亦會亮相。（葉志明攝）
對於外界有指林二汶因此而受到影響，連「叱咜樂壇我最喜愛的女歌手」五強都不入，疑似被踢出局。Alfred表示：「好坦白講，呢啲係大家嘅選擇嚟。無論男女及組合歌手人選，都有大家投票選出嚟嘅感覺。而今年有冇之後會有呢？真係好難定奪。講真諗返前一兩年，都冇乜人去討論我哋樂壇嘅事。不過，無論好嘅聲音同唔好嘅聲音，我哋都要學識梳理學會接受，又或者過濾搵返一啲啱自己嘅營養，而家我仲學緊。（無綫搵你上節目去唔去？）其實我一直都持開放態度，如果佢邀請，我係冇問題。」