炎明熹否認因工作病倒：只係隻眼腫咗，我體力非常好
撰文：賴家杰
出版：更新：
早前炎明熹（Gigi）因身體不適缺席了新城電台舉辦的《新人大熱唱2021》活動，因此有不少粉絲都相當擔心Gigi的身體狀況。今天（14日）Gigi出席《勁歌金曲》的錄影時，接受《香港01》訪問，回應了身體狀況：「多謝大家關心，個日收到好多訊息，大家真係關心我。其實個日起身去咗廁所，隻眼就腫晒，化唔到妝，就係咁啦。醫生就列舉例子，可能我戴隱形眼鏡戴太多，眼透唔到氣。」
Gigi今日好精神。（葉志明攝）
而年紀輕輕的她又要上學，又要忙於歌唱事業，活動又出席不少，近乎沒有時間休息，對於網友揣測她是工作才病倒，Gigi說：「大家唔好太擔心，我只係隻眼腫咗。我覺得我自己體力非常好，但我要抽多啲時間去做運動去同姑丈跑步。」
Gigi說聖誕可以約朋友去玩，非常期待。（葉志明攝）
對於工作會否向公司申請工作減少一點，這樣可以多點休息機會，Gigi說：「其實我覺得工作唔算太多，暫時經理人都分配得好好。今次係出現呢個問題，其實我每日都瞓9個鍾，返學就瞓8個鐘。」
炎明熹又要上學又要工作．（葉志明攝）