開心速遞丨「龔水」拉埋天窗 張景淳有壓力：結婚都幾大件事
撰文：賴家杰
出版：更新：
唔少觀眾都相當期待呢一集播出。（葉志明攝）
TVB處境劇《愛·回家之開心速遞》一直深受劇迷同網民愛戴，贏盡口碑及收視。劇集有幾對CP深入民心，包括「龔水戀」及「蓮輝戀」。下星期一（27日）劇情發展他們將會拉埋天窗一起擺酒，早前呂慧儀（熊若水）於社交網站率先上載和張景淳（龔燁）劇中的婚照。
張景淳講影婚紗相好開心，去咗唔同地方。（葉志明攝）
呂慧儀表示接下來劇集將會相當精彩：「有我哋大婚之喜，有聖誕節集數，又有婚前派對，所以我哋會陪伴大家過漫長聖誕節。」而張景淳直言未結過婚，所以這次之後相當難忘：「原來結婚都幾大件事，所以劇組幫我完咗呢個心願。」
拍完這次結婚劇情後，張景淳指若將來有機會結婚，真的會有壓力：「我壓力來源係Match唔Match到劇組畀我個結婚，因為一係將來一切從簡，唔係真係好耐匹敵『龔水』結婚，參與人數規模真係好大。」呂慧儀笑言：「我哋唔係請臨時返嚟坐，真係全部演員，同我哋有戶動，感覺真係我哋結婚咁。」