萬千星輝2021｜劉佩玥入圍最後五強「最佳女配角」：係一個鼓舞！
撰文：吳子生
出版：更新：
對於能否奪獎，阿Moon表示會抱著平常心去面對。（葉志明攝）
劉佩玥（Moon)昨晚（22/12）現身銅鑼灣出席劇集煞科晚宴。提到順行入圍《萬千星輝頒獎典禮2021》的「最佳女配角」最後五強，阿Moon表示：「好開心能夠同公司同事一齊競逐一啲獎牌。如果你問我有冇壓力？咁我又冇喎，因為如果我話有壓力嘅話，係會有機會攞唔到。而我話冇壓力係唔關攞唔攞獎事，係因為我作為演員做到最好嘅嘢係喺個角色上，咁所以我緊張就係演出嘅時間緊張咗。而呢啲之後嘅嘢，無論掌聲，支持及評論，又或者攞唔攞獎，其實真係理唔到太多。係因為唔係自己嘅控制，咁所以真心講多次有提名已係一個鼓舞。」