邪完再邪丨劉丹爆30年前馬來西亞酒店遇上怪事：黑影係門口個隙縫

劉丹（丹爺）主演的電影《邪完再邪》早前於戲院重新上映，不少觀眾再看這一部舊式電影表示相當懷念，而丹爺並不知道這部電影重新上映，但依然記得自己接近40年前拍過的這一部戲。

丹爺出道已經有61年，演出作品無數，在接受《香港01》記者訪問時，提到當年的趣事，笑言已經忘記了很多，再透露自己是一個工作還工作的人，很少會特意去記得，就當一個工作去做。不過丹爺坦言可以分享30多年前去馬來西亞拍戲的奇怪趣事：「我曾經去外地住酒店，啲人問我住幾多號房，因為我遲過啲演員去，佢哋聽到我住個間房就有口難言咁，話冇嘢冇嘢，咁即係有嘢啦。我就係到諗有咩嘢，點知真係有啲嘢。我住間房會有黑影係門口個隙縫，閃嚟閃去，我走出去開門冇嘢。第二次又係咁一開門又冇嘢，我就企喺門邊，個黑影一閃過我就即開門衝出去，衝出去聽到出面有人大叫嘩，我又畀佢嚇親都嘩一聲，大家嘩，原來個地方喺後樓梯，工作人員後樓梯行落嚟畀啲燈射到個影入嚟，真係嚇鬼死你，我會用呢種態度去睇，所以唔覺得有咩嘢。」

點擊睇丹爺其他精彩靚相！