新城2021｜鍾雨璇暈到傷肩頸腰 憶起心有餘悸：見到一黑一白
撰文：吳子生
出版：更新：
歌手鍾雨璇（前名蘇慧恩）昨晚（27/12）在《新城勁爆頒獎禮2021》台上與眾歌手影大合照時突然暈倒在地上，要由陳展鵬和吳浩康見等人抬她入後台。據悉有指她當日下午出席活動時已抱恙在身，加上當晚又穿着太厚的衣服出席頒獎禮而焗到出事。不過經休息後已無大礙，並回到台下歌手席就坐。
鍾雨璇昨日出席勁歌頒獎禮體力不支暈倒。（葉志明攝）
今日（28/12））鍾雨璇（Ophelia）如常工作，現身旺角為新歌MV進行拍攝工作。提到昨晚事發經過，Ophelia心有餘悸：「其實我喺26號嗰日已經凍病咗，而且食緊中藥同西藥。而喺出席頒獎禮嘅時候，因為我覺得凍，所以我着咗三件褸喺個身上，加上自己經期又嚟緊，上到台上已經開始見暈，而我眼前見到喺一黑一白，當時我嘗試企直個人，但都唔成功，就咁跌咗落地，之後發生咩事我都唔知道，事後喺後台度開始清醒番。可能跌落地嗰吓，我整傷咗膊頭、頸同條腰，一陣完咗工作之後要去睇跌打。」
鍾雨璇今日為新歌MV拍攝。（葉志明攝）