李亞男性感大解放　與王祖藍馬爾代夫慶祝結婚兩周年

王祖藍同李亞男結婚兩年，人前人後都恩愛非常。剛成立手工藝工作室的祖藍雖然雞年的工作大計已滿肚密圈，但正所謂吊頸都要抖下氣，更何況是結婚兩周年呢！所以祖藍同老婆早前就去到馬爾代夫齊齊慶祝，即有陽光與海灘，唔係唔影番輯寫真嘛！雖然李亞男的水著照只得一張，兼有王祖藍在旁，但整件事依然好吸晴……玩完馬爾代夫之後，兩公婆已轉飛其他地方繼續慶祝，完全係work hard play hard。至於會否順道實行造人大計呢？李亞男之前就話過並不心急，同埋想先享受多一兩年二人世界喎。