「食腦三子」開業一年未見成績　繼續獲力捧到底係咩原因？

方紹聰（奶仔）、何廣沛及郭子豪近日獲無綫（TVB）落重本拍攝《真係唔好笑》，有指單單一集的製作費已經高達100萬，合共13集的節目就要花上1300萬，大手筆程度絕對係近年罕見。不過，其實「食腦三子」已非首獲公司重金力捧 ，去年開設「食腦BrainStorming」YouTube頻道，有傳當時頻道已獲TVB極高層開綠燈，更得到TVB投資過百萬；亦有指會搵「亞視一姐」薛影儀（阿儀）合作拍攝微電影，而「食腦三子」更在九龍灣租用八百多呎辦公室用作「食腦總部」，看似十分認真。

不過頻道「開業」快一年，每星期都有兩條影片出街，但成績似乎並不似預期，因為至今訂閱人數只得5千，過百條影片的總觀看次數約110萬左右。其實去年不少小生、花旦去年都開設頻道，但大多需要自己出錢Book Crew拍攝、剪接，眼見「食腦BrainStorming」賺唔到錢又賺唔到年輕觀眾，都感到不是味兒。