婚後事｜老婆楊茜堯照顧仔女勁辛苦 羅子溢：準備送份勁嘢比佢
撰文：鄺鈺瑩
出版：更新：
羅子溢與陳自瑤為新劇《婚後事》開工。（陳順禎攝）
羅子溢於無綫新劇中《婚後事》飾演作家兼大學講師，日前佢同陳自瑤喺中環拍攝外景時，劇情講到二人在餐廳用膳時，遇見了熱情書迷，羅子溢簽名之餘又與對方拍攝，身為前妻嘅陳自瑤完全冇眼睇。羅子溢接受訪問時，表示自己在劇中生活十分精彩，因為會與王敏奕嘗試另一種愛情。
羅子溢笑言在劇中的生活十分精彩。（陳順禎攝）
母親節將至，屋企嘅一對仔女尚未懂得為媽媽楊茜堯準備禮物，身為廿四孝老公嘅羅子溢又打算使出什麼絕招呢？他說：「諗住送大禮，就係將我份糧比咗佢，今次份糧會特別大！因為佢太辛苦，精神上攰、亦都付出好多，雖然有外母幫手照顧小朋友，但細仔得三個月，我又唔係成日都可以幫到手。（你賺錢已經係最大嘅幫手。）所以咪出嚟打拼回饋屋企，同埋送份勁嘢比佢。」
楊茜堯為羅子溢三年抱兩，湊成「好」字後，羅子溢努力賺錢養家。
之前有傳《家族榮耀》將開拍續集，羅子溢表示暫時未有確切消息，問到會否批准老婆出關拍攝，他認為要看看到時對方的狀況。「同埋都要睇下兩個小朋友如果父母唔喺身邊有冇影響，如果影響不大的話，老婆都想繼續拍。」老婆享福，賺錢的責任全在羅子溢身上，問到會否北上賺人仔，他表示只要有機會的話，都樂於嘗試，並指「而家唔輪到我去揀啦」。