挨跌天線得得B｜莊韻澄力撐男童與網友激辯：屈個小朋友無問題？

網上一單旺角商舖意外成為熱話，一名男童涉挨跌朗豪坊KKPLUS中，價值5萬多元的天線得得B公仔，涉事家長把事件放上社交網後，引起全城關注。身為媽媽的莊韻澄亦有留言，力撐小朋友「希望大家畀啲同理心。」與網民展開罵戰。

有傳當時店員向小童父母指是他踢跌公仔，折扣後家長賠償3萬多元，及後在網上公開事件，引起熱烈討論。一開始很多人指責小朋友頑皮，及後現場片段公開後風向180度轉變。身為人母育有一子的莊韻澄亦力撐男童：「個小朋友喺當下畀人屈佢有心踢跌個公仔，而至親都唔相信佢仲要教訓佢，對於一個小朋友嚟講真係好大創傷，希望大家畀啲同理心。」

其後莊韻澄再貼出跟網民罵戰的截圖，網友批「咁就有心理創傷，依家港孩真係脆弱」，莊韻澄反擊指：「有人真係會覺得屈個小朋友係無問題﹗點解會對小朋友造成心理創傷唔係因為3萬蚊，而係明明自己無做有心去踢跌呢隻公司嘅行為，只係唔知情（隻公仔咁高原來空心）見無嘢欄住挨咗落去，但連自己父母都唔信自己呀﹗」反駁逆地而處就算成年人被屈都唔應該。