郭晉安當眾扯低陳豪口罩 得逞後高呼「我終於除到」網民轟無禮
撰文：洪曉璇
出版：更新：
新冠肺炎疫情爆發近兩年半，出門戴口罩已成為習慣，雖然第五波爆發幾近完結，但現時每日仍有二三百宗確診，絕不能掉以輕心。圈中最強防疫意識的藝人非陳豪莫屬，近日接受訪問時竟被拍檔郭晉安當眾扯低口罩，令網友直斥無禮。
陳豪戴住口罩同廣告客戶留影！（影片截圖）
早兩日無綫（TVB）全台逾百藝人雲集電視城，出席《周年慶典節目巡禮2022》，向廣告客戶推介來年節目劇集，以及做吉祥物與客戶合照，現場相當墟冚。曾為保家人安全寧願瞓露台，身在家中都24小時戴住口罩的陳豪，亦配以高防口罩出席及接受訪問，一直相安無事。
+1
及後陳豪與馬國明及郭晉安接受《東張西望》訪問時，提及想接更多廣告搵真銀時，郭晉安突然出手拉低陳豪嘅口罩問：「你係咪成日要做口罩廣告呢？你係咪想接口罩廣告？」陳豪有少少尷尬咁除低口罩一邊講「OKOK，撕低畀大家睇下。」郭晉安見成功令陳豪除罩表現興奮對鏡頭講：「Yeah！我終於除到佢口罩喇！」但不少網友睇片後怒轟郭晉安無禮兼毫不尊重，而且漠視第六波疫情隨時爆發危險，亦有人讚陳豪雖尷尬仍表現大方。
做做下訪問郭晉安突然伸手扯低陳豪口罩，馬國明都好愕然。（影片截圖）
點擊逐格睇事發經過：
+91