陳家樂獲邀做TVB新劇男一　連詩雅唔認腳頭好旺夫 ：其實唔關我事

連詩雅（Shiga）今日（27/8）現身尖沙咀出席音樂節活動。自從陳家樂今年6月向她求婚成功後，家樂片約不斷，更獲無綫邀約為新劇首次擔正男一。Shiga被指腳頭好旺夫，她笑說：「其實唔關我事，但我就覺得重點係疫情有緩和嘅跡象，可能個社會都開始正常返。不過我覺得唯一有少少關係嘅，可能我接咗一個主持嘅工作，咁佢哋都有講過搵我做嘅關係，係因為我將會踏入人生另一個階段，可能對好多嘅事情有唔同嘅睇法，變咗自己好似長大咗。（會唔會唔想長大？）其實我都算係一個大唔透嘅人嚟咁但係都需要去長大嘅，因為畢竟我都三十幾歲，哈哈！」