應智越10月尾開個唱未敢騷肌：怕大家冇驚喜

應智越（細貓）今日（19/9）現身電視城出席無綫音樂節目《勁歌金曲》錄影。提到10月29日將假旺角麥花臣場館，舉行首個個人演唱會「MR LITTLE CAT CONCERT 2022」，細貓表示心情興奮：「其實今次我都係抱住一個平常心，抱住一個把握機會做好練習，咁所以我就唔係而家先嚟加操嘅，而係一直都有練習。至於有冇諗再開第二場演唱會，我就覺得要等我再攞多啲舞台經驗先，然後再成熟啲喺另一個舞台表演俾大家睇。（有冇嘉賓？）今次係會有一位嘉賓嚟，但係邊個嚟就唔講得，因為要保持神秘。（會否騷肌？）騷肌呢樣嘢要諗吓，因為自己未係練得最好，暫時得4嚿腹肌，怕到時大家冇乜驚喜，咁所以等我再努力啲先。」