張兆輝賺「人仔」不怕受誘惑:同老婆日日都有新鮮感

撰文:
最後更新日期:

張兆輝不擔心會變為「御用警察」。(黃梓恒攝)

張兆輝與陳松伶主演的《全職沒女》下星期1首播,今日他們出席宣傳活動。近來在內地搵「人仔」搵到笑的張兆輝,難得有時間返無綫拍劇,最想就是收視理想,因為拍《全職沒女》搞到他好大犧牲喎!「因為拍這套劇,有好多本來有機會做的工作都撞晒期,夾不到時間。就好似劉德華個套《拆彈專家》,本來都有份參與,但就因為《沒女》,所以都要推,希望套劇反應好,去彌補我推掉的工作啦。」

不過,據知這一年張兆輝接Job無數,頭半年已接了6套電影,不約而同地都是飾演警察。其實現時藝人稍一不慎,就會變成「御用乜乜乜」,咁輝哥又擔唔擔心變成「御用警察」?輝哥就話:「警察都有好多種的,正如做記者每日都會訪問不同的人啦!之前都有做過反派,可以學到很多;但剛巧全都做警察,證明劇本吸引到我。」

輝哥今次同松松姐姐做情侶,兩個都keep得好好。(黃梓恒攝)

張兆輝現時長期都在內地工作,與老婆仔女分隔兩地,會否好易受到外來誘惑?輝哥就好有信心咁話:「其實對我來講,工作都不是最重要,家庭我從來都是放在第一位,所以我從來都冇諗過呢樣嘢囉,每次一收工我就即刻搵老婆傾偈。(怎樣找回新鮮感?)日日都好新鮮㗎!愈去諗反而愈不新鮮,兩個人的關係都不是用這些去做標準,有心去維繫,真係日日都會好新鮮。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。