林作分享床戰賽後報告 裕美：你好猥瑣，一唔著衫成個豬肉佬
撰文：林得懿
出版：更新：
直播期間，林作突然將手放到裕美胸部，裕美即時十分勞氣：「你試下再郁手郁腳」，林作笑笑口表示「已經揸咗36小時，唔使再揸。」(影片截圖)
林作早前預告將與裕美床戰36小時，仲講明因此「明晚10點後我會覆機，但我最多暫時能夠回覆的，是我和美美的喘氣聲。」其後裕美回帖表示「佢想打36秒。」
林作表受享受早洩，裕美即問:「你享受？真係架？點解？」(影片截圖)
36小時過後，林作昨日(8日）發文預告將會帶貨，同時有賽後報告，並指「將會包紮下體出場」……直播中，林作提到「最舒服係同美美過咗個好愉快嘅夜晚，整晚精彩位係煮咗個公仔麵食，第日（酒店）收我600幾元公仔麵錢」。裕美問林作對36秒有咩感想，又叫網民介紹醫生，林作聞言後表示「我享受早洩。」並解釋「最緊要都係嗰一刻，嗰一刻快啲來臨。」但裕美並不認同，林作反問她最重要是哪一刻，裕美認為是浪漫：「可惜你唔浪漫，同埋你成日好猥瑣，你而家西裝骨骨係幾好，但你一唔著衫成個豬肉佬。」
裕美話有網民問佢會否幫手改造林作：「其實佢本身幾有taste，佢係個樣猥瑣。」(IG圖片）
林作之後又話已經包紮下體，只不過網民見唔到，裕美聞言後即笑指「包咗都咁平，你真係好細。」其後裕美介紹LV Nano Speedy手袋時，林作在旁表示「呢個袋好襯我，因為我都好快，快入快射……講緊我踢波。」