903籃球賽｜姜濤整親膝頭勁痛苦　Lokman：佢平時唔係咁渣！

《903 AllStar籃球賽》今日（11/11）於亞洲國際博覽館舉行，第四場賽事一開始，MIRROR的姜濤上籃時疑撞親扭親膝頭，隨即倒地狀甚痛苦。賽事立即暫停，隊員上前查看他的情況，經理人花姐、寶姐及Crystal，聖約翰救傷隊亦跑上前檢查姜濤的傷勢。大會更一度圍上黑布避免傳媒，擾攘近10分鐘，包紮好右腳的姜濤在隊友的攙扶下坐上輪椅離場，全場粉絲拍手以表支持。

903籃球賽｜姜濤受傷扭親膝頭狀甚痛苦　擾攘5分鐘坐輪椅離場

事後，MIRROR一眾成員接受《香港01》訪問，Lokman坦言未知姜濤傷勢詳細情況，只知道對方好痛：「去到醫院檢查先知嚴唔嚴重。（平時係咪咁渣？）佢平時唔係咁渣嘅！可能頭先個好勝心咇咗出嚟，個力大過頭就Chok親囉！」而AK又指姜濤平時在銅鑼灣打開半場，今次打全場，所以馬有失蹄。另外，AK在今次比賽中亦有受傷，走路時忍痛一拐一拐。