新四十二章｜傳龔嘉欣疑得罪陳瀅累劇集被抽起：我邊有咁大威力

由龔嘉欣主演的劇集《新四十二章》原定安排在今年壓軸出街，有望在頒獎禮上爭視后。不過近日無綫傳出有新變陣，將改為由黎耀祥、朱晨麗及龔慈恩主演的《輕.功》頂上。對於劇集被臨時抽起，有不少網民懷疑與龔嘉欣早前公開暗寸陳瀅有關，所以被臨時抽起，無綫以示懲戒。

陳瀅今日（15/11）現身尖沙咀出席商場聖誕亮燈儀式，就事件接受《香港01》訪問說：「其實我真係唔知點解，好多時啲劇抽放時間，係會換來換去，而我哋作為演員拍完套劇，我哋已經係好開心。而佢哋幾時先播，真係唔輪到我哋去控制，亦唔係我哋想邊個檔期去播，就去播㗎。（話佢得罪你，所以被抽起！）哈哈！我邊有咁大威力呀，如果我有咁大個威力嘅話，我就應該唔係呢度做啦，講真無可能啦，我相信冇乜人會相信。（我信㗎！）唔會啦，如果我真係嘅話，我就將我所有嘅劇安排係最靚嘅位啦。不過都係嗰句演員真係控制唔到播嗰個期嘅。」