新城頒獎禮2022 | 曾比特對獎項隨緣 盼與炎明熹合作推新歌
撰文：蘇國豪
出版：更新：
《新城勁爆頒獎禮2022》於今日（3日）舉辦記者會，一班歌手陳柏宇、許廷鏗、鄭欣宜、炎明熹、曾比特等都有出席，陣容鼎盛，吸引大批歌迷到場支持，場面熱鬧。
大批歌手出席記招。（陳順禎攝）
對於獎項的爭奪，陳葦璇笑言：「啱啱新城個榜好似幾好嘅，我有信心攞到OK嘅成績。」不過曾比特就表示：「我比較隨緣啲，我覺得音樂先至係我嘅一個初心，自己嘅目標希望可以做多啲音樂，如果有獎當然好開心，冇亦都我覺得都係提醒緊我繼續努力，去做一啲更加好嘅音樂。」
今年曾比特主力內地發展，至於明年會否留港多，他就表示暫時未知。（陳順禎攝）
曾比特最近推出一首新廣東歌《重見》，他介紹指：「呢隻歌顧名思義即係重見返大家，亦都希望帶來一個溫馨、甜蜜嘅生活，所以自己當然希望可以繼續努力去創作，唱多啲唔同嘅廣東歌、國語歌，咁亦都希望畀到每一個喜歡我嘅人，或者畀到每一個聽眾有一個更加唔同嘅曾比特。」
陳葦璇與曾比特見到一班歌手都好開心。（陳順禎攝）
今年曾比特與炎明熹多次合作，曾比特直言希望同對方合作推新歌：「因為《聲生不息》之後我哋都有一個好好嘅contact，亦都希望大家有一個合作因為比較多嘅合作都係比賽，或者係一個live，咁但係真係出一首歌比較少，所以自己都希望可以。」
曾比特希望與炎明熹一起出歌。（陳順禎攝）