廖碧兒求開班學粵劇 黎諾懿嫌辛苦唔玩：化妝幾個鐘

黎諾懿和廖碧兒（Bernice）今日以推廣大使身份現身西九文化戲曲中心出席《第三屆全港兒童及青少年粵劇折子戲公開大賽》記者會。Bernice透露爸爸曾參與香港粵劇的演出：「其實我細過係唔知咩係粵劇，都係透過爸爸先知道係乜，但好可借自少就係加拿大長大，其實對中國嘅文化真係唔多了解，在成長中過程中都係跟爸爸出去做嘢先知多少少咩叫做粵劇。變咗我頭先主動要求佢哋開成年班，等我可以去上堂學粵劇，相信而家學唔會太遲。」

型男廚神的黎諾懿就笑稱自己煮餸就叻，如要他學做粵劇一定撞板收場：「其實學粵劇真係唔係一件容易嘅事嚟，當中有好多嘢係好講究，例如做手嘅手法，都已經分咗好多種，唔係你令對手做個手勢就已經得咁簡單，加上啲戲服同化妝搞頭飾都起碼搞幾個鐘，仲辛苦過我哋拍古裝，變咗咁辛苦嘅嘢我真係搞唔掂，所以我係好佩佢哋。」