炎明熹空降加入《愛·回家》 呂慧儀大讚她醒目演技有個人風格
撰文：許逸本
出版：更新：
呂慧儀今天（22/12）現身《愛·回家》冬至宣傳活動。由於她從早到晚都要工作，笑言已被兒子催促早點回家：「因為佢要同我睇戲，佢話會等我返去，好笑！佢好似管家，每日不停你去到邊啊？你返到邊？你幾點鐘返嚟？今日幾點收工？」難得兒子如此黐身，呂慧儀感嘆：「佢大大下就唔黐㗎啦，咁而家佢黐身就陪多啲囉。」
呂慧儀笑言被管家仔催收工。（葉志明攝）
另外，Gigi炎明熹突然加入《愛·回家》劇組客串角色，作為成員之一，呂慧儀對Gigi讚不絕口：「以佢嘅年紀，佢係感覺好淡定，又完全冇怯場，又好快pick up到，我覺得佢好醒目。我覺得佢好有自己風格，好襯佢，又好淡定，咁佢學嘢咁快，應該都難佢唔到。」
大讚Gigi醒目學嘢快。（葉志明攝）