江嘉敏被馬貫東稱呼為「肥膩嘢」 激動澄清只係有肉地
撰文：許逸本
出版：更新：
江嘉敏今天（18/1）古裝現身大埔林村許願樹，宣傳劇集《黃金萬両》！劇中江嘉敏與馬貫東飾演一對好甜蜜的夫妻，可是男方性格勁怕羞，搞到江嘉敏私下要做好多互動暖場，二人仍因此成為好友，馬貫東在現場也毫不避嫌，竟當着全場人，直接稱呼江嘉敏為「肥膩嘢」。
馬貫東稱呼江嘉敏為「肥膩嘢」。（陳順禎攝）
江嘉敏嬲到追住馬貫東打，事後只好尷尬解釋：「我唔知你講咩喎，我聽唔到，其實呢個名係有一個來源之處，我係劇裏面都係比較有肉地嗰個嚟嘅，有肉地啊，後尾佢哋諗咗個方法去解釋呢樣嘢，就係因為我個名叫金枝，屋企有啲錢嗰個，就話我由細到大食啲山珍海味，食到個人圓潤咗啲。」