黃金萬両|72歲薛家燕同李成昌有親熱戲 含羞答答:我心卜卜跳

撰文:馬嘉怡
出版:更新:

由薛家燕(家燕姐)領銜主演的賀歲喜劇《黃金萬両》今天(25/1)到鑽石山出席宣傳活動,家燕姐高興登場向觀眾拜年!這次家燕姐久違復出再拍劇,提到與李成昌有場kiss戲,家燕姐即含羞答答表示:「我諗唔到古裝都有錫吻嘅鏡頭,仲有我哋咁嘅年紀嚟錫吻真係好搞笑,拍嘅時候我心卜卜跳,我都有啲緊張㗎,反而係李成昌叫我唔好緊張,我唔會搏懵嘅。」

家燕姐同現場觀眾拜年!(梁碧玲攝)

另外,提到家燕姐新春期間孫仔的拜年情況,她即高興表示:「哇,勁啊!佢同我講普通話,佢第一句就恭喜發財、大吉大利、身體健康,然後嗰個手就攞利是,我諗係我新抱教定佢同我拜年,佢上緊普通話堂又上緊英文堂,歲半學好多嘢,佢學嘢好快,所以每日見到佢我真係好滿足。」家燕姐新年仲有另一個心願,就是希望女兒快點找到伴侶:「唔係咁快嫁出嘅,咁遇到一啲男朋友或者岩呢,約我同佢食餐飯啦,但個餐飯仲未有得食!」

家燕姐自爆同昌哥有親熱戲!(梁碧玲攝)