蔡天鳳案｜閨蜜劉倩婷心情未平伏一度哽咽：我會為佢頌經

劉倩婷今日（2/3）現身又一城出席慧妍雅集41週年花善晚宴2023記者會。對於閨蜜蔡天鳳（Abby)遭人冷血殺害肢解烹屍，劉倩婷一度哽咽說：「其實之前我都有回應過，我覺得我係需要一段時間去沉澱。當我知道佢離開咗，我係有幾晚係瞓唔到，不停諗返我同佢相處過嘅回憶，變咗我都唔想講得太多，我好希望佢一家人健康平安。（是否覺我兇手好冷血？）唔好意思，我唔想回應。（之後會否蔡天鳳辦身後事？）之後有消息佢屋企人會安排通知我哋，我都會為佢頌經。」