才女蔡潔為毛孩籌款 年中出新書：會搞簽名會
撰文：吳子生
出版：更新：
蔡潔今晚（18/3）現身尖沙咀出席籌款晚會，她受訪時透露即將和慈善團體合作推出新書，幫助毛孩籌款：「其實新書內容主要係寫我而家養緊嘅愛貓豬仔。記得好幾年前，我喺澳洲住嘅時候，有隻養咗好耐嘅貓過咗身之後，我一直都唔敢再養，但自從見到豬仔，令我改變咗。我好記得喺疫情之前，豬仔佢就嚟到我身邊，我好多謝佢呢幾年陪住我。變咗我好想將我同佢嘅記憶輯錄成書，令多啲人記得佢。」
被問到新書推出日期？蔡潔表示：「希望會在年中，又或者在書展嘅時候，到時都會搞簽名會。（會否出寫真集？）其實我又冇諗過，因為覺得自己唔靚。不過始終自己都係鐘意寫故仔出文字多啲，唔同性格都會做唔同嘅事。」