隱形戰隊｜馬國明除皮帶熱吻激戰唐詩詠　自爆太熟一開機即嚟料

劇集《隱形戰隊》近日率先播放馬國明與唐詩詠的預告片，重燃愛火的倆人即激動熱吻，詩詠更主動脫下男方的皮帶，將馬明推倒在床上，相當火辣！昨日（2日）馬國明出席《隱形戰隊》宣傳活動時，透露這場戲拍得好順利，同詩詠太熟唔覺尷尬：「好在嗰個係詩詠，因為我同佢太熟，變咗我哋唔使有咩忌諱，我同詩詠唔使點避忌，印象中好快拍完，take咗兩take咁就搞掂晒。」

馬明續說嘴得咁激，好難一件衫都不脫：「少少嘢都唔除就好奇怪，所以我哋就諗緊，除皮帶囉，男仔就簡單啦，除件恤衫除個皮帶，咁就已經交代到嗰件事（播出後會唔會同靚湯一齊睇？）會啊應該會，佢而家晚晚同我一齊追《隱形戰隊》，我諗佢最鍾意我都係「一件頭」，即係做醫生，佢好少見我做呢類警察咁有型，所以佢晚晚都同我追（你估佢見到會有咩反應？）其實冇乜反應，嗰場戲真係冇乜嘢，大家感覺好似好激咁，其實係個鏡頭。」

【民選電影大獎】送您maxcare心動椅(價值$32,800)，即入嚟投7項目電影大獎兼答簡單問題即賺高達888「01積分」，大獎得主隨時係您！