《真係唔好笑》一貫作風　女神彭慧中受罰極唔情願搞到成面都係

無綫（TVB）綜藝競技遊戲節目《真係唔好笑》上星期播出一集後，反應兩極。雖然節目中不少人都好大犧牲，而且節目嘉賓亦好畀反應不斷爆笑，但不少觀眾看完都表示看得一頭霧水，真的找不到笑點：「真係唔好笑」、「只係自己幾個互high」、「好尷尬」、「套嘢就係睇佢哋笑」。

但亦有正面的評價，指遊戲內容雖然無聊，但卻可以輕輕鬆鬆睇完，間中笑下不用太沉重，所以對節目製作也不用太認真。《真係唔好笑》由何廣沛、麥美恩、馮盈盈、郭子豪、彭慧中、方紹聰（奶仔）及羅毓儀擔任主持。節目每集均會邀請不同嘉賓，與主持分成兩隊上演連串搞笑對決，各人要在不同的搞笑攻擊下忍住笑聲，一旦笑出來就要接受大懲罰。

今晚一集在「駁故三字經」環節，《真係唔好笑》繼續一貫作風！奶仔上演溝女戲碼，話說女神彭慧中輸掉遊戲需接受大懲罰，此時奶仔突然捉住彭慧中，並爆出溝女金句：「呢單嘢等我嚟啦！」惟奶仔最後未能英雄救美，反而兩人齊齊都要接受懲罰變成花面貓！事後被問到對奶仔有甚麼感覺時，彭慧中大派檸檬謂：「冇感覺，因為一直都對佢冇期望！