中年好聲音｜網民讚正過COLLAR？　支嚳儀：最緊要過到自己嗰關

日前（07/5)《中年好聲音紅白大戰》硬撼ViuTV的《Chill Club 推介榜年度推介22/23》！雙方各有支持者捧場，同時亦有人在網上討論兩台的節目內容。當中就曾經出現了「TVB女團」龍婷、李思林、曹敏寶及支嚳儀合體跳唱《隆重登場》，對隔籬台ViuTV COLLAR的《Gotta Go!》！

今日（08/5）支嚳儀為演唱會綵排時，接受《香港01》訪問，她表示當晚約了一班《中年好聲音》參賽者坐定定，一邊火鍋一邊睇電視。對於當晚的表現，她表示自己已盡了最大努力，她說：「我本身冇乜舞蹈底子，所以我用『努力可能得，唔努力就一定唔得』嚟鼓勵自己。」

對有網民讚「支嚳儀好正」，她表示驚訝，說：「真的嗎？但係我未有時間睇，多謝網民，哈哈，我哋四個都唔錯㗎。」有網民將這隊「TVB跳唱女團」與COLLAR比較，也有網民評語指她們「好過COLLAR」。支嚳儀就回應：「我覺得唔好同任何人比較，最緊要自己過到自己嗰關，我覺得我仲有好大進步空間。」她表示會考慮翻唱在比賽中唱過的歌曲。