容祖兒公開獨門保養秘訣 母親節送花慰勞媽咪:冇女人唔鍾意收花

撰文:陳芷穎
出版:更新:

樂壇天后容祖兒(Joey)近日為百年香港中成藥品牌擔任星級代言人,並化身健康大使拍攝廣告,期間大方分享獨門養生秘訣,又透露全靠容媽媽一雙巧手超前部署,為她儲備健康資產,迎接人生黃金期。

容祖兒近日為百年香港中成藥品牌擔任星級代言人,並化身健康大使拍攝廣告。

祖兒敬業樂業、安舊立新的信念與品牌的宗旨不謀而合,順利促成今次「最強聯乘」:「我對於代言產品好有要求,每一次都會親身試用,今次試完呢個保健品,發現身體有明顯改善,無咁容易攰同病,所以我覺得值得推介畀大家。另外,品牌同我有個共通點,就係『歷史悠久』,但係仍然喜歡破舊立新,因而促成今次合作。我亦希望透過自身份享,鼓勵大家關注健康。」

Joey大方分享獨門養生秘訣。

疫情放緩,Joey回歸空中飛人生活,加上早前忙於籌備《Eternity 容祖兒演唱會》,可謂忙上加忙!不過Joey仍然元氣滿滿,她笑言保養秘笈相當簡單:「做運動之餘亦要配合飲食,我哋成日都話『You are what you eat』(人如其食),所以一定要食一啲對身體有益嘅產品。另外,我最鍾意飲薏米水,因為可以去水腫。」

提到鼻敏感成為現代人的文明病,尤其季節交替最易發病,Joey表示全賴「私家看護」-容媽媽貼身照顧,助她時刻保持最佳狀態:「轉天氣、或者空氣污濁,我先會出現流鼻水同鼻敏感症狀,所以我嘅身體都算唔錯!全靠媽咪幫手,因為佢咁多年嚟都會燉冬蟲草同舞茸畀我食,令到我嘅身體好似儲錢咁,不知不覺間累積咗好多抵抗力。」

臨近母親節,孝順女Joey雖然注重儀式感,但更想以行動慰勞容媽媽。

臨近母親節,孝順女Joey雖然注重儀式感,但更想以行動慰勞容媽媽:「媽咪同我好似,我哋唔係過時過節就要送大禮嘅人,不過每一年我都會送花畀佢,因為我覺得冇女人唔鍾意收花,哈哈!其實唔只母親節,我希望媽咪每一日都有強健體魄,因為我依家會喺唔同嘅地方開騷,好想佢可以親眼見證,所以一定要身體健康!比起買靚衫畀佢,我更着重佢嘅健康同埋抵抗力,亦都會喺呢方面花心思。」

Joey將於七月回歸香港演藝學院舉行演唱會。

與歌迷的七月之約

暌違六年,Joey將於七月回歸香港演藝學院舉行演唱會,談到與樂迷的「秘密約會」,Joey表現相當興奮:「好開心我嘅演出可以分成兩個不同系列,分別係紅館同埋2017年開發嘅『Secret Live』,後者同觀眾嘅距離更加近,我亦都會獻唱一啲Side track歌曲,但係反應一樣好好!所以咁多年嚟都有朋友問我會唔會舉行Part 2,我都考慮咗一段時間,覺得今年係一個幾好嘅時機,可以同我嘅歌迷進行秘密約會。」

Joey化身健康大使拍攝廣告。