中年好聲音2｜杜德智受胞兄杜德偉鼓勵參賽　爆兩兄弟愛講鹹濕嘢

65歲的杜德智名氣最高，他是杜德偉胞兄，以及張露兒子。他早在87、88年就出過兩張大碟《一於無問題》及《好戲》，後來轉行做星級健身教練，方力申、許志安都是其學生。

杜德智今天接受《香港01》訪問時，大談與胞兄杜德偉的趣事，透露弟弟鼓勵他參賽：「係佢叫我大佬有冇聽過中年好聲音啊你咁鍾意唱歌，因為我成日錄咗嘢會掟畀佢睇，有啲歌佢話你唱得幾好喎，佢知道我係鍾意（唱歌）嘅！」直言兩兄弟感情極好：「He is my best friend ，我發覺佢係全世界最好笑嘅其中一個嚟，同佢一坐埋係停唔到講嘢（講咩話題？）有時講吓笑，有時講吓啲鹹濕嘢，乜都好啦講返細個，講吓人生哲學，佢都睇好多孫子兵法，變咗好多嘢都講！」