Jer柳應廷首個個人演唱會開騷以歌會友　氣質陳蕾擔任嘉賓

MIRROR成員Jer（柳應廷）舉行《JER LAU ACROSS THE UNIVERSE IN MY SIGHT SOLO CONCERT 2023》。Jer以《從零開始的新世界》及《MM7》揭開序幕，之後又問大家對他跳舞有何評價：「係咪有期望？但如果想睇跳舞嘅可以走先。」Jer表示知道有fans特地由外國返港支持自己。

Jer之後一口氣唱出《水刑物語》、《迴光物語》、《狂人日記》、《離別的規矩》等曲目，大半場只唱而未有說話，Jer解釋呢部分比較沉重，又指一個宇宙旅程有喜有悲，人生的旅程亦一樣，他又透露錄《坐看雲起時》時一直搵唔到感覺，直到遇上一位朋友：「希望佢喺天上，可以睇到我有送呢首歌畀佢老公聽。」

Jer唱《凡星》時，陳蕾驚喜現身合唱，Jer表示自己冒昧邀請對方做自己頭場嘉賓，冇諗過陳蕾會一口答應，又指陳蕾今日抱恙上台。陳蕾問Jer點解第一次開騷就四場，Jer 表示：「都擔心自己應付唔到，但見到啲觀眾好似又得。希望可以多啲機會同陳蕾喺台上合作，我係佢小fans，佢嘅霸氣好犀利，希望可以向佢學習。」Jer之後又拖著陳蕾落台，表示此乃特有服務。