陳曉東老婆熱衷曬名牌 竟𢯎贊助畀囡囡行Catwalk：唔主張個女買
撰文：張祖銘
出版：更新：
陳曉東今日（26 日）在將軍澳出席「愛心滿東華」宣傳活動，他接受《香港01》訪問時表示：「其實都有幾年冇參與，今次有份參加都幾開心！」他又興奮預告剛錄完新歌，並表示：「我九月會開生日會，同粉絲聚會。原來打算搞船P，不過佢哋怕太曬同暈船浪，都係室內搞好，到時會出埋第二首新歌。」
陳曉東預告剛錄完新歌。（葉志明攝）
提到暑假，他表示會跟家人去台灣墾丁旅行，不過確實的行程和計劃還在商議。講到較早前老婆在社交平台分享囡囡行catwalk 影片，他笑說：「係，叫佢哋體驗下。其實唔係我安排，係阿媽幫佢哋安排，氹咗我一陣我先畀佢哋去，我老婆講因為有靚衫着畀佢哋去，件靚衫仲會送埋畀佢！」對於會否買名牌給囡囡，他就笑言：「我唔主張個女買名牌，因為佢哋大得好快！」
陳曉東踢爆老婆𢯎贊助叫囡囡體驗Catwalk。（葉志明攝）
陳曉東暑假期間會跟家人去台灣墾丁旅行。（葉志明攝）