【獨家東莞直擊．有片】李亞男樂做王師奶 幫祖藍買衫另類放閃
撰文：鄺鈺瑩
出版：更新：
結婚兩年，王祖藍與李亞男依然恩愛十足，李亞男更唔介意跟着老公周圍飛，為他打點一切。
完成北京及深圳站之後，王祖藍昨晚（29號）終於去到家鄉東莞舉行《奔跑吧！老表！王祖藍演唱》，開騷前夕，記者在他們下塌酒店附近巧遇李亞男（Leanne）一個人行商場，她表示正在為老公置裝：「因為演唱會有part係關於老表之情，會同細細粒、黃光亮一齊，老公綵排完之後，覺得用《老表，你好嘢》中『蔡芯』造型出場會好一點，但佢行唔開，所以我而家幫佢搵衫。」之後Leanne更邀請記者加入其置裝行動。主攻男裝的她，很快已鎖定目標，並馬上走入試身室，而期間亦不忘拍照問祖男的意見。「雖然我們身高有差別，但身形出奇地接近，幫佢試衫試褲，只要我穿落剛剛好，佢就會fit到。」夫婦二人竟然有這種奇緣，看着Leanne甜蜜地笑問「係咪好神奇呢」，放閃原來真係可以不用理會時間與地點……
Leanne之後又笑言老公的時裝打扮已經進步了不少，她回想二人當初拍拖時，祖藍經常踢拖、不修邊幅出門。「但經過我悉心打造之後，現在已經進化了，其實佢打扮一番真係可以好靚仔，可以係偶像派……」唉，記者真係比佢閃到眼盲！
用李亞男body去試的t-shirt牛仔褲，穿在王祖藍身上，出奇地fit，果然心有靈犀。（鄺鈺瑩攝）
為了配合「蔡芯」造型，所以一定要有點土氣，李亞男在挑選時，也頻頻表示：「嘩，真係好蔡芯。」不過，當衣服套在她身上之後，又是另一世界：「緊係啦，我呢啲super model。」（鄺鈺瑩攝）
話晒都係國際華裔小姐冠軍，但李亞男在幫老公購物時完全不拘小節，連師奶絕學「用頸度腰圍」都出埋，真係好老婆。（鄺鈺瑩攝）
當日李亞男雖然打扮簡約，但一雙長腿依然吸引不少男士的目光。（鄺鈺瑩攝）