Edan回應後援會事件 不願見相關人士被起底：追星都係求開心
撰文：鄺鈺瑩
出版：更新：
MIRROR今日出席《ViuTV 2024》節目發布會。（葉志明攝）
MIRROR成員Edan（呂爵安）與Alton(王智德）後援會Admin Team接連出事，MIRROR今午（13日） 現身《ViuTV 2024》節目發布會後，接受訪問時，Edan表示知道Admin Team承受巨大壓力。「佢哋啲唔係咁好嘅言論俾人睇到，都一定係唔啱，我知佢哋好大壓力，但都唔應該咁講，所以引疚辭職，而家應該係搞緊下一輪競選。」
Alton同Edan都希望後援會事件可盡快解決。（葉志明攝）
而對於Admin Team選擇將餘下嘅資金全數捐出而引起爭議，Edan表示自己有一直關注，但由於並非專家，所以交由公司處理，「我相信最後會有一個好啲嘅方案俾大家，有好多人話無論新定舊嘅Admin Team都被起底，我覺得唔係幾好，追星都係求開心，參唔參加fan club都好、咩形式都好，唔好搞到唔開心，咁會違反原意。 」同病相連嘅Alton表示十分同意Edan說法，他認為隨著後援會人數漸多，加上後援會現為有限公司，規模更大 。「彈性無咁多，好多時睇住佢哋做咩決定，都會有其他聲音，但無論我或者Edan 都好，都希望可以盡快解決問題。」