落選港姐郭珮文新造型曝光 染黑兼剪短唔同晒：以為叫我演死屍
撰文：吳子生
出版：更新：
今屆落選港姐郭珮文（Juliana）今日（25/10）現身深圳出席無綫新劇《法證先鋒6倖存者的救贖》開鏡拜神儀式。對於落選之後即光速拍劇，Juliana接受《香港01》訪問時表示：「其實咁快有劇拍，自己真係冇諗過，因為聽到好多身邊嘅人都話選完之後，要等好幾年先有劇拍，所以我好感激公司畀呢個機會我演出。（當初收到通知入劇意唔意外？）其實收到通知叫我拍的時候，以為佢哋叫我演死屍，後尾先知道係叫我做Bosco（黃宗澤）的下屬，演一名法證人員，知道之後真係好興奮。」
Juliana選完今屆港姐，即參與無綫新劇《法證先鋒6倖存者的救贖》拍攝工作。（陳順禎攝）
今次Juliana在劇中飾演一名法證人員，為了配合角色需要，Juliana作出犧牲將一頭金色秀髮染黑及剪短，她笑謂現在從良改邪歸正：「其實染完頭髮之後，都有些不慣，不過明白到行演員呢條路，是要為唔同角色改造，咁所以我有晒心理準備，但都需要啲時間去慢慢習慣。」
Juliana在劇中飾演一名法證人員。（陳順禎攝）
同劇演員大合照。（陳順禎攝）