Anson Lo唔扮公主反而推薦Jer：全隊操得最頻密係佢
撰文：鄺鈺瑩
出版：更新：
Anson Lo出場時獲大批神徒歡迎。（陳順禎攝）
盧瀚霆（Anson Lo）昨日隨MIRROR隊友到商台宣傳團歌後，之後再到中環出席品牌活動，他表示期間有返公司休息同食嘢。 提到陳慧琳表示有意搵他做明年演唱會嘉賓，問到會否推job都接，Anson Lo即問：「真定假？真係㗎？多謝！開心開心，不過都係要睇公司安排。」
再與Kelly同場，AL話無咁緊張同手震。（陳順禎攝）
MIRROR即將到迪士尼舉行的活動，Anson Lo劇透當日節目豐富，問到會否扮公主時，他提議大家到時大叫，之後更首推阿Jer非常合適扮公主：「因為Jer最近操肌操得好頻密，我覺得應該全隊操得最頻密係阿Jer，所以佢而家都好Eager去騷佢個Body！」講到Jer考牌筆試一次成功，Anson Lo表示有驚喜，但暫時唔考慮做其乘客，至於考牌在即嘅Edan，教主話要睇睇對方會否也1 pass。問到他會否都打算去考車牌，Anson Lo 自誇很有方向感，似乎忘記自己在《MIRROR GO》迷路記憶，他說：「呢三年Anson Lo都成長咗好多。」
教主不時大派心心。（陳順禎攝）