周潤發韓國獲頒「亞洲電影人獎」返港食腸粉慶祝：被人捉到我食嘢

周潤發（發哥）和愛妻陳薈蓮（發嫂）今日（27/10）現身中環出席著名珠寶品牌活動。提到早前在韓國的「釜山電影節」獲頒「亞洲電影人獎」，發哥受訪時笑說：「其實攞到呢個獎係好開心，因為都成50年，真係好多謝佢哋頒呢個獎畀我，我真係覺得好榮幸。（好多韓人都認識你！）係呀，由1986年《英雄本色》到而家。（返到香港去咗邊度慶祝？）有呀，咪去咗深水埗食豬腸粉，仲要被人捉到我係度食嘢，不過我去之前都打咗電話落嚟講聲，其實我同佢哋都好熟，仲要每次食嘢都要影相，咁所以都慣，最緊要大家開心。」