保錡曾為追星做茄喱啡　10年後終獲呢位內地頂流偶像拍片鼓勵

ERROR的保錡試過從多個途徑搵路入行做藝人，除了參加《全民造星》外，亦多次做臨時演員，自認是茄喱啡。今日保錡在IG貼出一段獲偶像曾自鼓勵的短片，偶像對他說：「喂保錡，加油，撐你！你都要撐我！大家撐大家！」而他的偶像原來就是近年已成為內地一線明星的陳偉霆（William）。

儘管當年William在香港發展麻麻，但原來保錡是他的忠粉，早前在宣傳主演電影《陰目偵信》時，更在訪問表示自己睇陳偉霆學做戲。他又自爆當年為了見William一面，做茄喱啡去追星，並說：「可能一直好多人都覺得我係講笑，但係我2013年嘅時候，真係為咗追星為咗見偉霆一面，去咗做一套電影叫重口味嘅茄喱啡，今年2023年，10年後收到呢一個支持，證明自己要繼續更加努力，堅持做好綜藝節目，帶快樂給大家！」保錡更貼出10年前二人的合照，大家都說他是追星天花板，替他感開心。