叠影狙擊｜周秀娜擔正演技備受好評 網民力撐攞視后：冇信心入圍
撰文：吳子生
出版：更新：
由黃宗澤、周秀娜（娜姐）主演的TVB台慶劇《叠影狙擊》正在熱播中。而娜姐今次一人分飾兩角，演技備受關注！有網民留言大讚娜姐演出有驚喜，有望入圍今屆視后。不過有網民指出，由於《叠影狙擊》為寰亞外購劇，並非TVB原創劇，恐怕娜姐入圍機會渺茫。
娜姐在無綫台慶劇《叠影狙擊》演技備受讚賞。（吳子生攝）
周秀娜姐今晚（27/11）現身尖沙咀西九文化區藝術展亭出席時裝展覽開幕禮，就事件接受《香港01》訪問時表示：「其實我就冇信心可以入圍，因為拍嘅時候冇諗過，就算而家出咗街，呢個獎我都係冇諗過。（網民讚你演技大躍進，希望你攞視后！）其實我就未參與過，亦從來都冇呢個諗法，咁所以希望大家睇呢套劇嘅時候，真係鍾意呢套劇。而我都知道自己當中有好亦有唔好嘅地方，始終演兩個角色都比較難挑戰啲，咁如果有嘅話當然開心啦，但如果冇又唔會覺得失望。」