通靈之王2｜七仙羽師傅表明有得參加都唔會參加：我冇諗過
撰文：吳子生
出版：更新：
由梁思浩主持的TVB通靈比賽節目《通靈之王》去年播出後大受歡迎，於是今年決定再次添食。《通靈之王2》和去年一樣，來自不同流派的20組參賽者，由海選進入10強後，再分成A、B兩組進行比賽，之後兩組的出線者將進入總決賽大鬥法，爭奪成為「通靈之王」！
七仙羽師傅今晚出席新店開張活動。（梁碧玲攝）
七仙羽師傅今晚（28/11）現身尖沙咀出席新店開張活動，被問到有否想過參加無綫《通靈之王2》？七仙羽師傅表示：「我冇諗過，因為嗰陣時我拍緊其他節目我係好忙，就算有得參加，我都唔會參加，因為有幾個問題，萬一自己失手嘅時候，我會係好瘀㗎。但對於一啲新人嚟講，輸贏佢哋就冇所謂，但對我哋有啲名氣嘅師傅係一啲都唔會參加，參加咗係會有風險，因為唔會保證一萬樣嘢一定會準，如果係準，我就買六合彩啦，風水命理只不過係一個統計。而通靈都係睇你當時個磁場同個感應能力。（有冇睇呢個節目？）冇乜點留意，因為我好少睇電視。」
七仙羽師傅表示無睇無綫節目《通靈之王2》。（梁碧玲攝）