陳健安勁黑仔撞完車又踢波受傷　人生第一次傷十字韌帶：完全斷晒

陳健安（On仔）日前踢足球時受傷，當時On仔在社交平台發文表示已經照了X-ray，但要等消腫後才可以照MRI，到時檢查後才知道半月板及韌帶有沒有問題。

昨日（29日）On仔便發文說已經照了MRI，並上載了MRI報告及受傷過程的短片，MRI報告指On仔左腳前十字韌帶完全斷裂，而其他組織無太大的傷害。On仔傷心說：「無諗過人生第一次傷膝條前十字咁就斷晒，係完全斷晒。」

On仔聽完報告後十分自責：「一聽到嗰刻好唔開心，想喊出嚟，心諗咁易咩？動作都好平常姐。」之後他與物理治療師討論：「其中一個無乜考慮嘅外在因素就係場地同波boot，佢哋聽過唔少膝頭受傷嘅人係喺仿真草上整親，視乎係第幾代仿真草場，我都唔太識，但我係喺顯田仿真草足球場整親，第一次踢呢個場，著短膠粒釘boot，整親嗰刻覺得隻腳有啲啜住咗喺地，然後膝頭就擺一擺就傷咗。」他說聽完物理治療師的解釋後感覺好了點，但他的腳傷成這樣，應該要先休息一陣子才再繼續踢球。